Табиғи монополия субъектілері персоналының санын, шикізатының, материалдарының, отынының, энергиясының шығыстарын нормалау жөнінде жаңа әдістемелер әзірлеу және қолданыстағыларын қайта қарау кестесін бекіту туралы
Қазақстан Республикасы Премьер-Министрінің 2007 жылғы 30 қазандағы № 320-ө Өкімі
(2010.25.05. берілген өзгерістермен)
Осы редакция 2011 жылғы 30 желтоқсанда енгізілген өзгерістеріне дейін қолданылды
«Мемлекет басшысының 2005-2007 жылдардағы Қазақстан халқына жыл сайынғы жолдауларын іске асыру жөніндегі негізгі бағыттардың (іс-шаралардың) жалпыұлттық жоспарын және Қазақстан Республикасы Үкіметінің 2007-2009 жылдарға арналған бағдарламасын орындау жөніндегі іс-шаралар жоспарын бекіту туралы» Қазақстан Республикасы Үкіметінің 2007 жылғы 20 сәуірдегі № 319 қаулысын орындау үшін:
1. Қоса беріліп отырған табиғи монополия субъектілері персоналының санын, шикізатының, материалдарының, отынының, энергиясының шығыстарын нормалау жөнінде жаңа әдістемелер әзірлеу және қолданыстағыларын қайта қарау кестесі бекітілсін.
2. Мемлекеттік органдар:
1) табиғи монополия субъектілері персоналының санын, шикізатының, материалдарының, отынының, энергиясының шығыстарын нормалау жөнінде жаңа әдістемелер әзірлеу және қолданыстағыларын қайта қарау кестесіне (бұдан әрі - кесте) сәйкес тиісті ведомстволық құқықтық актілер әзірлесін және қабылдасын;
2) жарты жылда бір рет, есепті жарты жылдықтан кейінгі айдың бесі күнінен кешіктірмей Қазақстан Республикасы Табиғи монополияларды реттеу агенттігіне өткізілген іс-шаралардың нәтижелері бойынша ақпарат ұсынсын.
3. Қазақстан Республикасы Табиғи монополияларды реттеу агенттігі жарты жылда бір рет, есепті жарты жылдықтан кейінгі айдың он бесі күнінен кешіктірмей Қазақстан Республикасының Үкіметіне кестенің орындалуы туралы жиынтық ақпарат ұсынуды қамтамасыз етсін.
| Премьер-Министр | К. Мәсімов |
ҚР Премьер-Министрінің 2010.25.05. № 73-ө Өкімімен кесте өзгертілді (бұр.ред.қара)
Қазақстан Республикасы
Премьер-Министрінің
2007 жылғы 30 қазандағы
№ 320-ө өкімімен
бекітілген